Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
6-cı ay (2-cü rüb)
27-ci həftə üçüncü rübün başlandığına işarə edir və körpəniz daha da dolğunlaşır. Onun hissiyyatı da sürətlə inkişaf edir, gözləri işığa qarşı daha həssas olmağa başlayır. Qıcqırma əlamətləri bu mərhələdə çox rastlaşılan problemdir. Uzaq durmalı olduğunuz qidalar və digərləri barədə öyrənməyiniz faydalı olar.
27-ci həftədə körpənizin inkişafı
Hamiləliyin 27-ci həftəsində körpənizin başından buduna qədər olan ölçüsü təxminən 24 sm, çəkisi isə 900 qramdan bir qədər çoxdur.1 Dərisinin altında daha çox yağ yığılması ilə o, yeni doğulmuş körpə kimi dolğun görünməyə başlayır.1 Bu yağlar onun bədən temperaturunun qaydada saxlanılmasına və doğuşdan sonra isti qalmasına kömək edir.2
Onun hissiyyatı da sürətlə inkişaf edir, göz retinaları işığa qarşı daha həssas olmağa başlayır.3 Kirpikləri də artıq yerindədir və körpəniz uşaqlıq boşluğunuzu tərk edən kimi onun incə gözlərini qoruyacaq.
Təəccüblü olsa da, körpənizin dad tumurcuqları o qədər inkişaf edib ki, o, yediyiniz fərqli qidalardan meydana gələn müxtəlif dadları amniotik mayedə ayırd edə bilir.4 Həttə onun ədviyyatlı yeməklər kimi bəzi qidaları yediyiniz zaman daha da aktivləşdiyini hiss edə bilərsiniz.
Dünya üzrə 700.000-dən çox gələcək ana və yeni valideynlərə qoşulun.
Hamiləlik dövründə proqestron səviyyəsinin yüksəlməsi doğuşa hazırlaşarkən əzələlərinizi yumşaldır. Bu, eyni zamanda mədənizin girişində yerləşən və az miqdarda mədə turşusunun qida borunuza sızmasına imkan verən qapağa da təsir göstərir. Böyüyən uşaqlıq boşluğunun mədənizə təzyiq göstərməsi ilə bərabər bu amil də mədədə yanma hissinin yaranmasına səbəb ola bilər.5
Bəzi qidaların mədədə yanma hissinə təkan verə biləcəyi səbəbindən qidalanmağınıza xüsusi diqqət ayırmalısınız. Narahatlıq yarada biləcək qidaları müəyyənləşdirdikdən sonra onları az miqdarda yeməyə çalışın. Əsas odur ki, hansısa qida qruplarını və ya qidalandırıcı maddələri ixtisar etməyəsiniz, buna görə də müəyyən qidalara dözümlülük göstərə bilmirsinizsə, bu barədə mütləq həkiminizə məlumat verin.
Siz həmçinin yeməkdən sonra dik şəkildə oturaraq yediklərinizi həzm etməyə başlaması üçün bədəninizə vaxt verməklə də qıcqırma əlamətlərini azalda bilərsiniz. Bəzi analar az-az, amma vaxtaşırı yeməyin və yatmazdan öncə yeməməyin kömək etdiyini düşünürlər. Əgər istəsəniz, başınız və çiyinlərinizin dik qalması üçün əlavə yastıqlar qoymaqla yatmağı sınaya bilərsiniz.
Mədədə qıcqırmaya qarşı hər hansı bir dərman qəbul etməzdən əvvəl həkiminiz, ginekoloqunuz və ya əczaçı ilə məsləhətləşin, çünki bəziləri hamiləlik dövründə uyğun görülməyə bilər.
1. Deans A. Your New Pregnancy Bible, The experts’ guide to pregnancy and early parenthood. 4th ed. London: Carroll & Brown Publishers Limited, 2013. p. 43.
2. Regan, L. Your pregnancy week by week. London: Dorling Kindersley Limited, 2013. p. 203.
3. Curtis GB, Schuler J. Your pregnancy week by week. 7th ed. Cambridge: Fisher books, 2011. p. 385.
4. Murkoff H, Mazel S. What to Expect When You’re Expecting. 4th ed. London: Simon & Schuster Ltd, 2009. p. 262.
5. NHS UK. Indigestion and heartburn during pregnancy [Online]. 2014. Available at: www.nhs.uk/conditions/pregnancy-and-baby/pages/indigestion-heartburn-pregnant.aspx [Accessed August 2016].
6. Gandy J (ed). Manual of Dietetic Practice. 5th ed. Oxford: Wiley Blackwell. 2014. p. 90.
Son baxış: 8 avqust 2016
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Iltimos, oldin quyidagi muhim bildirishni o‘qib chiqing
“Davomi” tugmasini bosish orqali siz Nutrilon bolalar suti va boshqa mahsulotlar to‘g‘risidagi axborot bilan tanishishingiz mumkin. Agar siz davom etishni istasangiz, Nutricia Club Uzbekistan sizning individual so‘rovingiz bo‘yicha bu ma’lumotni axborot maqsadlarida taqdim etishiga rozilik bildirgan bo‘lasiz. Iltimos, farzandingizni sut bilan boqish va qattiq taomlarga o‘tish borasida asosli tanlovga erishish uchun tibbiyot xodimi bilan maslahatlashing.Ko‘krak bilan emizish chaqaloqlar uchun hammasidan yaxshi va ko‘plab afzalliklar beradi. Ko‘krak bilan emizishga tayyorgarlik ko‘rishda va emizish davrida siz sog‘lom, muvozanatlangan ovqatlar tanovul qilishingiz juda muhim. Hayotning birinchi haftalarida ko‘krak suti va sun’iy oziqlantirishni uyg‘unlashtirish o‘z ko‘krak sutingiz kelishini kamaytirishi mumkin va ko‘krak bilan emizmaslik qarorini bekor qilish qiyin bo‘ladi. Sun’iy oziqlantirish (bolalar ozuqasi)dan foydalanishning ijtimoiy va molyaiviy oqibatlarini inobatga olish zarur. Bolalar ozuqasini noto‘g‘ri iste’mol qilish yoki nomuvofiq oziq-ovqat mahsulotlari yo oziqlantirish uslublaridan foydalanish salomatlik uchun xavf tug‘dirishi mumkin. Agar siz bolalar ozuqasidan foydalansangiz, ishlab chiqaruvchining qo‘llash bo‘yicha yo‘riqnomalariga qat’iy rioya etishingiz kerak – bu yo‘riqnomalarga rioya etmaslik farzandingiz og‘rib qolishiga olib kelishi mumkin.