Sualınız var?
Həftənin 5 günü saat 09:00-dan 18:00-a kimi bizimlə əlaqə saxlamaqdan çəkinməyin.
Kömək əli
İndi hansı vitaminləri qəbul etməli olduğunuzu öyrənin
Hamillikdən əvvəl və hamiləlik vaxtı sağlam, balanslaşdırılmış pəhriz böyüyən körpənizin lazımi miqdarda qidalandırıcılar ilə təmin olunmasına kömək edəcək. Mayalanmadan əvvəl və hamiləlik dövründə tərkibində əsas qidalandırıcı maddələr olan əlavələrin qəbulu sağlam pəhrizinizi gücləndirəcək və körpəniz böyüdükcə əlavə dəstəyi təmin edəcək. Bəs hamilə qalmağa çalışarkən qəbul edilməsi ən vacib vitaminlər hansılardır? Fol turşusu və D vitamininin rolu, onları hamiləlikdən əvvəlki pəhrizinizə niyə daxil etməli olduğunuzu kəşf edin.
Pəhrizinizə bir qədər enerji əlavə edin
Müxtəlif çeşidli pəhriz orqanizminizin körpənizi inkişafının ilkin mərhələlərində ehtiyac duyduğu qidalandırıcı maddələrlə təmin olunmasına kömək edə bilər. Bununla belə, ən sağlam qidalar arasında da qidalandırıcı maddələrin boşluğu ola bilər. Hamiləlikdən əvvəl vitamin çatışmazlığı böyüməkdə olan körənizin qidalanma miqdarını azalda bilər. Buna görə də hamilə qalmağa çalışarkən pəhrizinizin iki əsas qidalandırıcı maddə – fol turşusu və D vitamini ilə dəstəklənməsi tövsiyə olunur..
Fol turşusunun əsasları
Hamiləlik vitaminləri arasında yəqin ki, haqqında ən çox danışılan fol turşusu körpənizin inkişafının ilk mərhələlərində iştirak edir. Buna görə də hamiləlikdən əvvəl lazımi miqdarda qəbul edilməsinə başlamağınız tövsiyə edilir.
Hamiləlikdən əvvəl ideal olaraq gündə 400 mkq fol turşusu qəbul etməyiniz tövsiyə olunur.
Araşdırmalar fol turşusunun az qəbul edilməsi ilə spina bifida kimi sinir borusu qüsurları riskinin yüksəlməsi arasında əlaqə olduğunu göstərir. Bu riski azaltmaq üçün mayalanma ərəfəsindən hamiləliyin 12-ci həftəsinə qədər gündə 400 mkq (0.4 mq) qəbul etməyiniz tövsiyə olunur. Bunun səbəbi brokkoli, avokado və qəhvəyi düyü kimi qidaların tərkibində olan təbii fol turşusunun bu tərəvəzləri yeməklə kifayət qədər qəbul edilməsinin çətin olmasıdır.
Fol turşusunu kontrasepsiya vasitələrindən istifadəni dayandırdığınız vaxtdan qəbul etməyiniz ideal olar.
Son vaxtlarda aparılan araşdırmalar həm də onu göstərir ki, hamilə qalmazdan bir il əvvəl qəbul edilən fol turşusu vaxtından əvvəl doğuş riskini əhəmiyyətli dərəcədə azaldır.1
Yüksək dozada qəbulu
Bəzi hallarda analara daha yüksək dozada fol turşusu qəbul etmələri tövsiyə olunur. Həkiminiz sizə aşağıdakı hallarda gündə 5 mq-a qədər qəbul etməyinizi məsləhət görə bilər:
- Daha əvvəllər təsirləndiyiniz hamiləliyiniz olubsa
- Sizdə və ya ailənizdə kimdəsə onurğa beyni qüsurları varsa
- Epilepsiyaya görə dərman qəbul edirsinizsə
- Şişmansınızsa, bədən kütlə indeksiniz 30-dan yuxarıdırsa
- Sizdə seliakiya, şəkər, oraq hüceyrəli anemiya və ya talassemiya varsa1
Hamiləlikdə D vitamininin əhəmiyyəti
Adətən günəş işığı vitamini kimi adlandırılan D vitamini kalsiumun sorulması və onun sümüklərin inkişafı üçün münasib hala gətirilməsi üçün vacibdir. Anada D vitamini çatışmazlığı körpədə də bu çatışmazlığa səbəb ola bilər və bu, nadir hallarda raxitliklə nəticələnə bilər.
D vitamini çatışmazlığı böyüyən körpənin sümüklərinin minerallaşmasına və həyatının ilk aylarında D vitamini ehtiyatı toplamasına mənfi təsir göstərə bilər.
D vitamini vücudda dərinin günəşin ultrabənövşəyi şüalarına məruz qalması ilə yaranır.
D vitamini səviyyəsi az olan qadınlara hamiləlik dövründə gündə 10 mkq D vitamini əlavəsi tövsiyə edilə bilər.
Kifayət qədər günəş şüası düşməyən bölgələrdə yaşayan qadınlarda D vitamini çatışmazlığı ola bilər.
Günlük dozanı qəbul etmək
Qadınların çoxu xüsusilə hamilə qalmaq üçün uyğunlaşdırılan dərman əlavələrini seçirlər. Onların tərkibində yüksək miqdarda qəbul edilməsi körpənizin inkişafı üçün təhlükəli ola biləcək retinol kimi bilinən heyvan mənşəli A vitamini və ya balıq yağı yoxdur. Hamiləlik üçün vacib qidalandırıcı maddələrdən biri olsa da, siz ehtiyacınız olan bütün A vitamini miqdarını sağlam, balanslaşdırılmış pəhriz vasitəsilə əldə etməlisiniz.
Retinol kimi bilinən heyvan mənşəli A vitamini körpənizin inkişafı üçün təhlükəli ola bilər.
Gələcək atalar üçün də dərman əlavələri mövcuddur. Bütün vitaminləri qidalandırıcılar ilə zəngin pəhrizdən almağa üstünlük verilsə də, hamilə qalmağa çalışarkən həyat yoldaşınıza dərman əlavəsi qəbul etməsini də təklif edə bilərsiniz.
Nizamsız menstruasiya hallarında ovulyasiya tarixinin hesablanması
Nizamsız menstruasiya olarkən sizdə ovulyasiyanın nə zaman olacağını proqnozlaşdırmaq çox çətindir. Əgər ovulyasiya ərəfəsində sekslə məşğul olmağı hesablaya bilmirsinizsə, onda tsikl ərzində 2-3 gündən bir cinsi əlaqədə olmaq kömək edə bilər.
NÖVBƏTİ ADDIMLAR
Bunları alış-veriş siyahısına əlavə edin:
- Fol turşusu əlavəsi 400 mkq/gün
- D vitamini əlavəsi 10 mkq/gün
Retinol və ya balıq yağı tərkibli dərman əlavələrindən uzaq durmağı unutmayın.
- Patient UK. Diet and lifestyle during pregnancy [Online]. Available at: http://patient.info/health/diet-and-lifestyle-during-pregnancy[Accessed May 2014]
- Preconception and pregnancy [Online]. Available at: www.bathnes.gov.uk/sites/default/files/banes_maternal_and_child_nutrition_guidelines_digital_june_2013_section_2.pdf [Accessed May 2014]
- Ruston et al. The National Diet and Nutrition Survey: Adults aged 19 to 64 years. HMSO: London, 2004.
- NHS UK. Folic acid leaflet [Online]. Available at: www.nhs.uk/start4life/Documents/PDFs/S4L_Folic_Acid_leaflet.pdf [Accessed May 2014]
- Medline Plus. Hypervitaminosis A [Online]. Available at: https://medlineplus.gov/ency/article/000350.htm [Accessed May 2014]reference text
Son baxış: 4 iyul 2016
Körpənizin gələcək sağlamlığı buradan başlayır
NutriciaClub olaraq inanırıq ki, təcrübələr dayanıqlığın yaranmasına kömək edir; istər hamiləlik, istərsə də doğuşdan sonrakı dövrdə körpənizin qarşılaşdığı hər yeni şey onun gələcək inkişafını formalaşdıra bilər. Elmi səriştəmiz sayəsində sizin və körpənizin gələcəyə qucaq açmasına kömək edə bilərik.
Əlaqədar mövzular:
La leche materna es la mejor opción para los bebés
Por favor lea este aviso importante
Al hacer clic en el siguiente botón, usted podrá ver información sobre las leches infantiles Nutrilon y otros productos. Si elige continuar, usted está aceptando proporcionar información a NutriciaClub con fines informativos. Por favor consulte a un profesional de la salud para tomar una decisión informada sobre la alimentación de su bebé con leche y la transición a alimentos sólidos.
La leche materna es la mejor opción para los bebés y proporciona muchos beneficios. Es importante que al prepararse y durante la lactancia se tenga una alimentación saludable y una dieta balanceada. La combinación entre amamantar y alimentar al bebé con biberón en sus primeras semanas de vida puede reducir el suministro de leche materna, y revertir la decisión de no amamantar es difícil. Considere las implicaciones sociales y económicas del uso de leches infantiles. El uso incorrecto de leches infantiles, alimentos o métodos de alimentación no apropiados pueden representar un riesgo para la salud de su bebé. Si usted usa leches infantiles, siga las instrucciones de uso del fabricante – el uso incorrecto puede provocar enfermedades a su bebé.
